Noong una ay di ko magawa na ikaw ay lapitan,
Batiin o di kaya ay kalabitin katulad sa ilan.
Paano ba naman tindig mo ay kinatakutan,
Akala ko ay saksakan ng tapang sa tanan.
Inisip ko na rin kung paano ka mamuhay,
At ang makulit na isipan ay mapaglarong tunay.
Aking hinangad na sa iyo kami ay mapalapit.
Sa ideyang ito kami ay naniwala at kumapit.
Lumipas ang panahon, ako'y hanggang tingin lamang.
Ni hindi ko magawa na wag magmukang mangmang.
Ngunit isang araw, nang ikaw ay puntahan,
Upang sa problema ay hingan ng kasagutan.
Sir, paano po kaya ang magandang gawin?
Madalas ito ang aming hilig sambitin.
Di ka kinakitaan ng sawa sa pagsagot,
At patuloy na pinagpapasensyahan ang bawat ungot.
Sa bagong buhay na iyong binigay,
Kami ay nasanay sa sobra nitong kulay.
Ngumingiti, tumatawa, sige ano pa?
Natututo, naaliw kahit minsan ay sawa na.
Disiplina-- iyong mahigpit ipinatupad,
Alam namin na makatutulong saan man mapadpad.
Sir, saludo kami sa iyong ginawa.
Umasa ka na sa iyong mga aral ay hindi magsasawa.
Ngayon ay malugod na aking inaalala,
Mga oras na ikaw ay nakasama.
Maraming pagbabago sa pakikisama.
Ako ay natuwa sa dulot na ganda.
Sir, Hindi ka man makita,
Ikaw ay madalas namin na maalala.
Gagawin namin tulay upang magkaisa,
Ang Klase ng English Quadri Batch ay siguradong handa na!
No comments:
Post a Comment